荔园在线
荔园之美，在春之萌芽，在夏之绽放，在秋之收获，在冬之沉淀
[回到开始]
[上一篇][下一篇]
发信人: Akira (For my animation dream......), 信区: Music
标 题: 黃貫中變與不變
发信站: BBS 荔园晨风站 (Tue Apr 3 20:19:51 2001), 转信
理想」，在二十一世紀的香港，可能已經等同被淘汰了的古典文言。然而，還有人
會為了理想而付出心血和努力。到了今天，黃貫中仍然追尋他的音樂理想。從組樂
隊轉為個人歌手，當中有多少地方的不同、作了多少改變？當一個搖滾樂手戀上美
豔女星，牽引觀眾的目光，成為傳媒追訪的焦點，他又如何抵禦這些無形壓力，保
持自己的信念不變呢？
這幾年來，黃貫中（阿 Paul）的確經歷很多變遷︰樂隊由四人變為三人，再從樂
隊改為個人歌手；而阿 Paul 和朱茵的戀情亦是大家茶餘飯後的話題，在非樂迷的
普羅市民心中，他又是朱茵的男朋友。
聲音
音樂是打破國界的語言。和黃貫中的對話，自然由音樂開始。自九九年 Beyond 宣
布休止時期起，三位成員分道揚鑣，阿 Paul 率先推出他的個人唱片。不過他還是
組織了一隊新樂隊「汗」，似乎他和樂隊是分不開的。
「其實個人和夾Band有好大分別，因為以前決定係由大家一齊做，而家則由我決定
自己音樂上方向。我好享受現場演奏，如果要唱 MMO（伴唱音樂）話，就好似同人
比武但俾人綁住隻手，唔可以完全發揮自己長處，我好懷念現場演奏感覺，所以而
家得閒就會去尖沙咀或者蘭桂坊玩一場。其實初初玩音樂時候，都冇諗過要以音樂
搵錢或作為終生職業。而現場彈奏正好俾我 Keep 住對音樂精神同熱誠，亦因此好
需要一隊樂隊同我合作。」
誰伴我闖蕩
一直以來 Beyond對於現時本地樂壇（娛樂圈？），都批評過不少，無論你同意與
否，這就是他們的意見。作個人發展的黃貫中，對這個問題似乎比以前較豁達。早
前亦曾和蘇永康合作過，之後又打算找誰再合作呢？
「所有香港音樂人。先撇開話我鍾唔鍾意佢音樂或佢係乜類型歌手，只要佢認為阿
Paul 可以同佢做音樂，只要佢信得過我就可以。我唔理佢係唔係偶像派歌手、係
新人或者舊人。雖然我音樂同佢會唔同，但只要佢對我有一個信任，以我方向認為
佢要唱點樣風格歌，對我講都係一個學習。其實我同謝霆鋒都監製過一隻歌《所有
人是傻》，不過比較低調冇做宣傳，所以冇乜人知。」
香港一定得
在新大碟中，有幾首歌的歌詞很富批判性，例如「香港一定得」、「丟假」、「乜
Q報章」，對社會政府以至傳媒都「鬧到出面」，火仍未熄。
「其實我以前都有鬧，不過基於好多市場壓力，所以當時只係用情歌或剛陽歌去宣
傳。到今次無乜商業考慮，所以去得放。其實我可以去得再盡，不過都要稍為保留
，俾歌迷消化一下。」
「而且九七前後，社會上有好多轉變，可以講題材多好多。」 （你會唔會再多行
一步，身體力行去參政呢？）
「我唔會亦冇資格從政，因為我覺得政治好烏糟，我唔會掂佢。好似話我會覺得立
法會人唔係好人。當然，面亦有我欣賞人，但有唔少都好不知所謂，所以即使將來
有資格亦唔會從政。」
「我都係負資產，但都唔支持政府去托樓市，我諗好簡單：點解個個有樓住唔好？
點解政府唔去照顧大多數未有樓等上車一？可能我唔知中間技術性問題，雖然我都
係受害人,蝕好多錢，但係如果人淨係將樓買買賣賣就可以賺到幾億、幾千萬，到時香港個
個
都唔使做不事生產喇！」 說到社會不公，阿 Paul 的火又來了。
教壞細路
自從 LMF 出現之後，輿論都將粗口歌對年青人的影響作為一個熱門話題。黃貫中
又和 LMF 有密切的關係，今次請他們合作一首「香港一定得」，更有一個粗口版
本，便有人指有「教壞細路」之嫌。
「教壞細路？我唔會力抗我冇教壞細路！凡親嫖、賭、飲、蕩、吹都係教壞細路講
粗口梗係教壞細路。不過唔係強迫你一定要聽，你有得揀！再者全隻碟，粗口成份
都佔唔到十分一，究竟去 Judge（審判）我人，有冇聽過我其他歌先？係冇！點解
只針對個幾個字。」
「就藝術層面講，我唔認為藝術要負上道德責任，唔應該被所謂『道德』局限住。
當要寫一個戲劇，如果就住呢樣就住樣，咁就唔使創作啦，作歌亦一樣。我諗最重
要係教曉年青人點樣去分辨好同壞。我都係一個記者，只不過係以音樂去記錄社會
實況的記者。」
原來黃貫中和我是行家呢！
談到年青人，就談到黃貫中對下一代的教育，但還未談到他和朱茵的戀情。對於這
個你我最關心的新聞，阿 Paul 反而覺得一切都是很自然，沒有什麼特別。多個巧
合湊合在一起，組成一段搖滾巨星和靚女明星的戀曲。但當阿 Paul 聽到「搖滾巨
星」這個詞之後卻不以為然，以半開玩笑的語氣說：「香港冇搖滾巨星，搖滾巨星
會隨手打爛支十萬蚊結他。我只係個音樂人，哈哈！」
阿 Paul 和朱茵本是樓上樓下，理應可「近水樓台先得用」，但原來他在知道朱茵
住在他樓下兩年後，快要搬走之際才正式對她展開追求，以前即使見到面也只寒暄
幾句。
「有次停車場撞到佢，因為佢車位咁係我隔籬。當時剛剛收工已經成點幾兩點鐘。
佢（朱茵）問我去唔去食，我諗都冇諗就推佢。其實都有心。」
「（點解追到朱茵？）因為我忍到兩年囉！其他男性或者一見到佢就追佢。……其
實都係誠意。（怕唔怕追唔到好瘀？）怕？有乜好怕？」
夾Band的人，始終是我行我素。
再見理想
我是 Beyond 的歌迷。當知道同事要跟黃貫中做專訪時，感到十分興奮，我更「抆
衫尾」央求她帶我一起訪問。 阿 Paul 很友善，也很健談，特別是當談到音樂時
，他更是滔滔不絕。本想這篇訪問只集中寫他和音樂的情誼，但當我考慮到，若然
Deep Purple、Black Sabbath、Limp Bizkit、Radiohead、Mick Karn、Brian
Eno、Miles Davis……等等名字大量出現在本周刊上，感覺將會是何等突兀。於是
，我還得墨在黃貫中和朱茵的關係。 是妥協？不是。這只是在適當的時間與地點
，做適當的事。 正如，在訪問結束後，我才戰戰兢兢的從袋中取出 CD 阿 Paul
簽名，回復我小歌迷的身分。 我猜阿 Paul也學懂了。
--
我还是情愿留在自己的黑暗中
至少我还有你没有的那些自由
一切都为了生存给我的那些感受.
※ 来源:·BBS 荔园晨风站 bbs.szu.edu.cn·[FROM: 192.168.47.54]
[回到开始]
[上一篇][下一篇]
荔园在线首页 友情链接：深圳大学 深大招生 荔园晨风BBS S-Term软件 网络书店