荔园在线
荔园之美，在春之萌芽，在夏之绽放，在秋之收获，在冬之沉淀
[回到开始]
[上一篇][下一篇]
发信人: mouse (睇来真系要谂吓。。), 信区: Friend
标 题: 无题
发信站: BBS 荔园晨风站 (Sat May 15 11:47:33 1999), 转信
终于到左最后一次开会啦，我做部长亦做到最后一日啦，
真系好唔舍得。。。。。谂返起当年，就为左一句“要帮部
长（ heart）争返啖气”而做左新一届的部长。的确好辛苦，
带住一大班干事，又无野可以教到渠地，又毫无成绩可言。
或者真系自己领导无方，先后有两条友退出左公关部。之后
D工作仲鬼甘唔顺利，开会有乜好讲？哎。。。。。
我硬住头皮总结完一大轮之后，轮到 D干事啦。我地谂
返起成年来一起做野，一起玩，时间过得的确好快好快。
你地仲记得当年招干事个阵，见到我第一个反应就系，
唔系呱，甘ge人都做得部长。睇来，由第一眼开始，你地就
根本未当过我系部长（呵呵，有小小悲哀）。
你地仲记得个阵我地一齐去“兰桂坊”玩，玩到凌晨，
之后仲去我屋企睡左阵。到哩度，你地就真系无当过我系部
长啦，不过个种打成一片的感觉真系好好。
你地仲记得有个英文小品的比赛，开头并不顺利，后尾
我仲忍唔住教训左你地一轮。个次，应该系我唯一一次教训
你地。之后你地真系好认真甘去搞（早知系甘，我就早 D闹
你地啦）。不过，刚刚投入哂成副精力去搞的时候，突然话
取消左个比赛。虽然个阵你地都话无乜所谓，但我睇得出你
地系好失望同失落。。。。
之后就到左舞台剧啦。哩个就认真辛苦你地啦。我地试
过两日写份剧本，排做一日剧就上台，以最后一名进入决赛。
之后学校要我地改剧本。新的剧本又系两日之内出台，又排
左两日，终于就到左决赛啦。（我个日仲得登着得整齐 D，
同你地讲我要上台领奖。）你地个日的确演得好出色。观众
反映出奇地热烈，我系最后面个度真系开始觉得有希望会罗
奖。但最后都系以十几分输左。。。。。。。。。。后来学
院仲有人系背后指指点点，或者哩 D就系唔公平啦。。
谂到哩到，居然有人忍唔住喊左出来。系唔舍得？系遗
憾？成一年啦，你地付出的的确好多好多，但成绩就。。。
或者学某条友话斋，系大学付出同收获唔成正比。但至少我
地认同你地的努力，你地又认同我地的付出。我地并不需要
所有人来认同我地，只要我地知道自己曾经做过 D乜野，做
个阵开心就OK啦。
我最感动的就系你地当我系你地的朋友，当公关部ge事
系自己ge事，话以一个公关部的干事为荣。
我地以后一定仲有机会再聚。或者你地得闲call我地几
个部长出来食野同倾偈啦。。。。
衷心甘讲句，哩年来，好多谢你地。。。
--
_____ _____ _ _ _____ _____
____ ____
___ ___ ____ ____
※ 修改:．mouse 于 May 15 13:13:37 修改本文．[FROM: 192.168.1.181]
※ 来源:．BBS 荔园晨风站 bbs.szu.edu.cn．[FROM: 192.168.1.181]
[回到开始]
[上一篇][下一篇]
荔园在线首页 友情链接：深圳大学 深大招生 荔园晨风BBS S-Term软件 网络书店