荔园在线
荔园之美，在春之萌芽，在夏之绽放，在秋之收获，在冬之沉淀
[回到开始]
[上一篇][下一篇]
发信人: joining (嘿嘿), 信区: Graduation
标 题: 2004.6.27
发信站: 荔园晨风BBS站 (Mon Jun 28 16:58:49 2004), 站内信件
傍晚时分，同gf去寿司王吃野。
唔知系咪没胃口，又或者系因为吃厌左既原因，
所以一直提唔起精神。
gf不停甘问我想吃乜野，我就间唔中讲一句，你中意就得了.
吃左半个钟了，我既脑都好似一直系度神游，都唔知想紧乜，
渐渐我意识到冷落左距，笑笑口同距讲：我系咪好似梦游啊？
距似乎理解我，没恼我，就话：都唔知你做乜！
突然间，我眼睛开始湿湿地了，跟住仲滴出左泪水……
gf笑住同我讲：白痴咯，唔好甘啦，好多人睇住你架！
我唔敢周围睇，拿起gf递过来既纸巾轻轻抹，轻轻抹，
我唔多好意思，只系希望周围既人以为我吃左一斤既wasabi！
泪水似乎好难收制，我就不停甘强忍，努力去强忍！
终于，10分钟之后，我克制住了，然后我就马上话埋单，唔敢再逗留……
行出左中信广场，我地沉默甘行左一阵，
跟住我就问gf：点解唔问我点解喊啊？
距话：点知你想唔想讲啊！
跟住距就问：系咪因为毕业既野，同埋返屋企既野啊？
我深吸一口气，但都系没用，眼泪始终都系要出来，
我喊住同距讲：近日来，一想起呢件事，我都会好激动。
我想返起毕业聚餐个晚，结束既时候，我以前既同房，
同我住左3年半既同房，喊住甘揽住我讲，
“我以前对你唔系几好，好对唔住啊！我性格系甘既，真系唔好意思啊！”
我当时竟然乜都唔识讲，只系喊住同距讲，算了，唔好记住了！
依家想返起，我好惭愧啊，因为我自己4年来根本就做得不如距！
点解当时我唔讲“对唔住啊，其实你已经做得好好架啦，做得比我好！”
我好惭愧！真系好惭愧！
4年了，点解4年来自己唔做好D，4年后先来后悔！4年来，我同距既回忆实在
太多了，一齐打机啦，一齐打球，一齐读书，一齐出猫，一齐跳舞，
夜晚一齐倾计，一齐听电台，一齐听广播剧，一齐听《游乐场》……
太多太多了，可惜美好既记忆只可以停留在2年前……
虽然大家少左话题，但始终都住埋一齐，可惜，红楹要拆……
究竟系因为乜野令到我地不复以前，我已经唔记得了，我相信我自己会负起
好多责任！弥补已经成为多余，可以做既就系以后做好D……我想我会努力既！
我讲完之后，我gf都喊左，我反而笑了……
我觉得我地大家都成熟左。
今日我想将寻晚既呢件事记低，希望距会睇到，亦希望更多人会睇到，4年，
唔容易架！
PS:
其实我好羡慕我gf，羡慕距有个十分要好既同房，距地一直有都来往，
假如有乜吵架，大家都会互相珍惜，想办法和好，拿出来讲清楚，继而解决！
朋友唔易做啊~~~
※ 来源:·荔园晨风BBS站 bbs.szu.edu.cn·[FROM: 192.168.40.245]
[回到开始]
[上一篇][下一篇]
荔园在线首页 友情链接：深圳大学 深大招生 荔园晨风BBS S-Term软件 网络书店